Mandaue boxing team nidominar sa Summit amateur boxing tournament

CEBU, Philippines - Mipakita dayon og maayong labok ang mga boksidor sa Team Mandaue City timaan nga andam na sila sa ABAP regional boxing tournament karong Enero 24 didto sa Dumaguete City.

Ang mga boksidor sa Mandaue midominar sa katapusang edisyon sa Summit Natural Drinking Water Amateur Boxing Series sa miaging gabii didto sa Gaisano Countrymall carpark.

Ang mga gold medalist sa miaging tuig nga sila si Dann Lou Codilla ug Kevin Jake Catajara pulos midaog sa puntos batok nila ni Wendel Acharon ug Cherwellan Cantel.

Si Ferde San Roque midaog sa iyang kaubang si Melmark Dignos pinaagi sa desisyon.

Ang igsuon ni Melmark nga si Welmark mikulata ni Benjie Manatad sa Sanai Boxing Club, samtang gidabodabohan ni Mardie Muaña ang kontra niyang si Patrick Gullane.

Gipakita sab ni Rolan Servania nga angayan siya nga malakip sa Team Mandaue dihang iyang gipilde si Christian Bacolod.

Mokompleto sa lista sa   winners mao sila si Vicente Seos-e Jr., Ariel Sibay, Rommel Tuñacao, Jeffrey Stella, Polid Banal ug Eleno Traya.  (BANAT SPORTS)

Show comments