USC-South White mi-iskor og daog
CEBU, Philippines - Ang USC-South White team ni skipper Roy Melgo ang undermanned nga Bureau of Internal Revenue (BIR)-Cebu ubos ni regional director Rodita B. Galanto, 81-74 alang sa ilang ikaupat nga daog sa USC-BED South Campus-Parents Teachers Community Association Inc. (USC-BED SC PTCA, Inc.) 2011 niadtong Domingo didto sa USC South Campus sa dalan J. Alcantara, ning siyudad.
Ang USC-South White nga adunay 4-1 nga baraha, miabante karon sa ikaduhang puwesto sunod sa USC-South Red nga gipaluyohan sa AC Sports ni Archie Baba nga adunay limpiyong 5-0 nga rekord.
Nagbagang 33-13 nga scoring blast ang gilusad sa USC-South sa pagpangulo ni kanhi USJ-R Jaguar pointguard Frankie Lastimoso ug ni Melgo aron moposte og 47-24 nga bentaha sa halftime, 47-24.
Daan na hinuon silang nilabaw sa first period pa lang pinaagi sa nagtusak nga mga puntos nilang Adrian Satorre ug Dong Ebon.
Apan mibawos ang BIR pinaagi sa ilang 22-13 rally aron panipsan ang labaw ngadto na lang sa 14 puntos, 46-60 pagsugod sa fourth period kortesiya ni kanhi UV center Jerson Espinosa ug Kim Valenzuela .
Si BIR coach Norwin Honoridez mipatuman og "man-to-man" defense ngadto sa USC, apan wala mosalir ang ilang mga paningkamot.
Sila si Lastimoso ug Melgo maoy nangu sa USC South sa ilang 23 ug 20 puntos matag usa, samtang si Satorre miamot og 12 puntos.
Ang 2-2 nga BIR gipangulohan ni Espinosa pinaagi sa iyang 26 puntos, gisundan ni Valenzuela nga mipabuto'g 22 puntos.
Puntos Matag Usa
SOUTH WHITE (81) - Lastimoso 23, Melgo 20, A. Satorre 12, Ibon 6, Gayoso 4, Lara 4, Mayordo 4, Abines 3, L. Satorre 3, Nacua 2
BIR (74) - Espinosa 26, Valenzuela 22, Galvez 8, Llavore 6, Dizon 6, Del Rosario 2, Tocao 2, Alburo 2. - BANAT NEWS
- Latest
- Trending
