CEBU, Philippines - Naglaraw ang Cebu Volleyball Association (CEVA) nga dad-on ang sports ngadto sa laing level pinaagi sa pagpahigayon og commercial league sa sunod tuig.
Gawas sa Governor Gwen Garcia Unity Volleyball (GUV) Cup nga naandan sugdan sa ikaupat nga kuwarter sa tuig, ang nahisgutang V-League ipahigayon sa mas sayo nga panahon. Hinuon tukion pa sa mga opisyales sa CEVA ang maong matang.
Si CEVA co-chairman Glenn Anthony Soco miingon nga ang liga mokater ngadto sa players kinsa wala na miduwa sa nagkalain-laing unibersidad. Mahimo silang moapil sa open tournament nga pagasuportahan sa nagkadaiyang stakeholders.
"This league will surely bring the sport to the next level. With this, there will be a transition for our players from the elementary down to the college level and then to this, like that in commercial basketball games," sumala pa ni Soco. (BANAT SPORTS)