Elasto nakaiwas sa Clickers

MANILA, Philippines - Ayaw ng Elasto Pain­ters na maging unang biktima ng Clickers.

Tiniyak ito nina Ryan Araña at Ronnie Matias nang magsalpak ng maha­halagang puntos sa final canto upang akayin ang Rain or Shine sa 88-81 pa­nalo laban sa talsik nang Shopinas.com sa elimination round ng 2011-2012 PBA Philippine Cup kahapon sa Smart-Araneta Coliseum.

 Umiskor si Jeff Chan ng 14 points, habang may tig-12 sina Araña at JR Qui­ñahan at 9 si Matias para wakasan ang four-game losing slump ng Elasto Painters.

Iniakyat ng Rain or Shi­ne ang kanilang win-loss re­cord sa 8-5 kapantay ang Meralco sa ilalim ng nagde­de­pensang Talk 'N Text (9-3), Petron Blaze (9-4) at B-Meg (9-4) kasunod ang Barangay Ginebra (6-5), Barako Bull (6-6), Po­werade (5-8), Alaska (3-10) at Shopinas.com (0-13).

Nakuha ng Clickers ang 27-19 lamang sa first pe­riod hanggang makabangon ang Elasto Painters sa half­­time, 41-32, mula sa ka­nilang 22-5 produksyon sa second quarter.

Nakalayo ang Rain or Shine sa 59-50 sa dulo ng third period patungo sa 69-59 bentahe laban sa Sho­pinas.com sa 8:46 ng final canto mula sa three-point shot ni TY Tang.

Huling nakalapit ang Clic­kers sa 70-73 agwat sa 6:21 ng laro sa likod ni­na Paulo Hubalde at Jojo Duncil kasunod ang pagbibida nina Arana at Matias na muling nagpadyak sa Elasto Painters sa 83-72 sa huling 2:29.

Kasalukuyan pang nag­lalaban ang Barangay Ginebra at Meralco Bolts habang sinusulat ang balitang ito.

Rain or Shine 88 - Chan 14, Araña 12, Quiñahan 12, Matias 9, Norwood 9, Cruz 7, Tang 7, Belga 7, Rodriguez 7, Buenafe 4, Lee 0, Ibanes 0.

Shopinas.com 81 - Duncil 23, Jazul 17, Sena 11, Hubal­de 9, Espiritu 7, Ritualo 6, Menor 4, Sison 2, Daa 2, Es­co­bal 0, Aquino 0, Se 0.

Quarterscores: 19-27, 41-32, 61-55, 88-81.