Magandang posisyon itataya ng Big Chill, Cebuana laban sa Café France at Blackwater

MANILA, Philippines - Sasalang ang mga ko­po­nang nasa itaas ng team standings at magnanais na ma­­panatili ang kanilang ma­­gagandang puwesto sa pagpapatuloy ng 2011 PBA D-League Aspirants Cup sa Trinity University of Asia Gym.

Target ng Big Chill na ma­kabalik sa pagsalo sa liderato na solo ngayon ng Freego Jeans sa pagharap sa Café France sa alas-2 ng hapon bago sundan ng mainit na bakbakan sa pagitan ng Cebuana Lhuillier at Blackwater sa alas-4 ng hapon.

Magkasalo sa 3-1 karta ang Gems at Elite kaya ang mananalo ay mananatili sa ikalawang puwesto bukod pa sa pagbangon matapos lumasap ng kabiguan sa huling laban.

Parehong nagwakas ang naunang malinis na 3-0 baraha nang dumapa ang Gems at Elite sa Free­go Jeans sa huling asigna­tura.

Tiyak namang ayaw ng Su­per Chargers na magwakas ang pagpapanalo sa 11 koponang liga lalo pa at ito ang best start sa da­lawang taong paglahok ng bataan ni coach Arsenio Dysangco.

“Kahit maganda ang start namin ay gutom pa rin ang koponan. Kaila­ngan ding pumukpok dahil ma­halagang panalo ang nais din ng Café France,” wika ni Dysangco.

Mula sa 78-73 pana­lo ang Bakers pero sa ka­nilang 1-3 karta, kailangan nilang maipanalo ang mga susunod pang laro upang manatiling palaban sa titulo.

Didiretso sa semifinals ang top two squads matapos ang single round elimi­na­tion, habang ang apat na teams na nakabuntot ay mag­lalaro naman sa quar­­ter­finals.