Freego Jeans ginulantang ang Cebuana
MANILA, Philippines - Hindi dapat biruin ang Freego Jeans sa 2011 PBA D-League Aspirants Cup.
Ito ay matapos nilang kalusin ang dating walang talong Cebuana Lhuillier, 71-66, upang masolo ang liderato sa liga sa 4-0 kahapon sa Jose Rizal University Gym.
May 14 puntos si Eric Camson habang 12 at 11 ang hatid nina Lionel Manyara at Bacon Austria pero ang nagpanalo sa koponan ay ang matinding depensa na nagresulta sa apat na errors ng Gems upang mabalewala ang pagdikit nito sa 64-62.
Unang kabiguan ito ng Gems matapos ang tatlong sunod napanalo kung saan nasayang ang 21 puntos ni Vic Manuel.
Itinabla naman ng Boracay Rum ang karta sa 2-2 nang manaig sa Cobra Energy Drink, 70-56, sa unang laro.
May 16 puntos si Erwin Cornejo at 12 rito ay kanyang ginawa sa first half para tulungan ang Waves na ilayo sa first half sa 35-22.
- Latest
- Trending
