CEBU, Philippines - Nakakuha og dakung break sa iyang kinabuhi ang Sugbuanong atleta nga si Rhey Jey Ortouste sa Abellana National School (ANS) dihang napilian siya aron malakip sa Philippine sepak takraw team nga moduwa sa Southeast Asian Games sunod tuig didto sa Indonesia.
Dili katuo ang 17-anyos nga si Ortouste nga ang dugay na niyang gidamgo nga mamahimong sakop sa nasudnong koponan matuman.
"This has been my childhood dream to be part of the Philippine team in the field that I love. And it’s beyond my wish that at a very young age, I am now playing not only for Cebu but also for the Philippines," matud pa ni Ortouste.
Si Ortouste naapil sa PHL team human sa iyang talagsaong performance sa King's Cup World Championship Inter-Regu Competition niadtong Septiyembre didto sa Bangkok, Thailand diin nitapos sila bitbit ang silver medal.
Sa 12 ka mga sakop sa PHL team, tulo lang ka players ang ipadala ngadto sa Indonesia. Si Ortouste napili uban ni Junmar Aleta sa Dipolog City ug Jason Huerte sa Marikina City.
"It is a great honor for me. Even if I am just new in the team, they were able to notice my potentials," matud ni Ortouste.
"I promise to give my best in this competition. With trust to my teammates and determination to win, I am hoping that we will go back to the Philippines with a medal," dugang pa niya. (BANAT SPORTS)