Donaire balik na sa nasud

Miabot na sa nasud ang world bantamweight champion nga si Nonito “The Filipino Flash” Donaire Jr. human sa malampuson niyang kampaniya didto sa Las Vegas batok ni Omar Narvaez.

Human sa iyang title defense, si Donaire ma-busy karon sa pag-atiman sa nagsingabot nilang church wedding sa iyang kapikas nga si Rachel.  

McGee moduwa sa Smart Gilas?

Gikataho nga hinay-hinay karong gilihok sa Samahang Basketbol ng Pilipinas ug ni sports patron Manny V. Pangilinan ang planong pag-naturalized ni NBA high-flyer JaVale McGee aron makaduwa sa Smart Gilas Pilipinas.

Si McGee kinsa maoy leading shot blocker sa NBA mao unya ang himuong pambatong sentro sa nasud aron makuha ang dugay nang gipangandoy nga Olympic slot.  

“The Truth” midaog sa comeback fight

Milampos ang Fil-American mixed martial arts fighter nga si Brandon “The Truth” Vera sa iyang comeback fight sa Ultimate Fighting Championship (UFC) 137.

Si Vera midaog pinaagi sa usa ka dominante nga unanimous decision batok sa amerikanong si Eliot Marshall.