CEBU, Philippines - Wala moila og gaba ang Azkalitos ug ilang gipilde ang San Roque, 110-106 aron langkaton ang korona sa Holy Family Basketball Club (HFBC) basketball tournament didto sa Wilfredo Memorial Sports Complex sa Mabolo, ning siyudad.
Ang Azkalitos nagsandig sa kabangis ni Jofel Bayarcan, kinsa mi-iskor og 25 puntos, lakip na ang go-ahead lay-up sa katapusang 16 segundos nga maoy miselyo sa ilang daog.
Gumikan sa iyang talagsaong performance, si Bayarcan maoy giilang finals MVP.
Human gilubong sa San Roque og 14 puntos sa first half, 40-54, ang Azkalitos mibangon sa third period dihang gihinay-hinayan nila pagkitkit ang labaw sa wala pa nila hingpit makontrolar ang duwa.
Sa laing bahin, si tournament president Marvin 'Kiddie' Yap nagkanayon nga naglaum siya og mas daku pa nga torneyo sunod season.
PUNTOS MATAG USA:
Azkalitos (110) - Bayarcal 25, Campilan 21, Diola 18, R. A Militante 11, Jumao-as 11, Lepiten 11, Luther 6, R Militante 6, Yap 6
San Roque (106) - Basubas 23, Tauzon 20, Vidal 16, Benzi 16, Cui 13, Rama 10, Pacaldo Canoug 4, Borgonia 4, Sindo 4, Omie 4, Cremat 4 (BANAT)