MANILA, Philippines - Bibisita si Clyde Drexler, kasama ang Portland Trailblazer Dancers at ang Orlando Magic Dancers, sa SM Mall of Asia para sa ikalawang bahagi ng two-day NBA Madness Philippines 2011 mall event na inihahandog ng Petron.
Magsisimula ang mga aktibidad ganap na alas-11 ng umaga at matatapos sa alas-6 ng gabi.
Ang event ay para sa mga NBA fans at cheerdance enthusiasts at ang unang bahagi nito ay ang NBA Madness Team Spirit Festival na magtatampok sa mga fun activity booths.
Kasama rito ang Asia Miles booth kung saan makakatanggap ang mga fans ng mga giveaways at magpapatala bilang Asia Miles member, isang NBA 2K12 booth, performances mula sa Orlando Magic at Portland Trailblazer dancers.
Itatampok rin ang NBA Team Spirit School Champion Search at ang Clyde Drexler Challenge.
Isang interactive viewing party ang idaraos sa SM Mall of Asia Theater kung saan magbibida si Drexler.