3 PBA Teams moduwa dinhi sa Cebu

CEBU, Philippines - Sa dili pa nila sugdan ang ilang kampanya alang sa 37th season sa PBA nga buksan karong Oktubre 2, tulo ka mga PBA teams ang moapil una sa Cebu City Mayor’s Cup Invitational Basketball Tournament karong Septiyembre 23 - 25 diha sa Cebu Coliseum.

Ang tulo ka teams nga mopakita'g aksiyon mao ang Alaska Aces, Powerade Tigers ug Meralco Bolts uban ang host team M. Lhuillier Kwarta Padala-Cebu Niños.

"This tournament will be part of the PBA team’s preparation for the coming All-Filipino Cup," matud pa ni Cebu Niños coach   Raul 'Yayoy' Alcoseba.

Kini ang labing unang higayon nga makita sa mga Sugbuanon ang Alaska nga wala na ang ilang long-time coach nga si Tim Cone, kinsa milayat na ngadto sa B-Meg Derby Ace Llamados. Si Joel Banal mao na ang motimon sa Alaska.

Moduwa uban sa Alaska ang duha ka Sugbuanon nga sila si Julius Pascualado ug kanhi Cebu Niños cager nga si Ariel Mepaña.  (BANATSPORTS)