Mas aktibong outreach program sa pro league itutulak ni Baylon
HONG KONG --Itutulak ni PBA Board vice-chairman JB Baylon ng Powerade ang mas aktibong outreach program para sa pro league bilang bahagi ng kanilang ambag sa community service at nation building.
“I want the PBA to be known for its outreach programs,” sabi ni Baylon, isinusulong ang feeding program ng Coca-Cola sa nakaraang limang taon.
Makikipagkita si PBA commissioner Chito Salud at ang mga miyembro ng PBA board sa mga Food and Nutrition Research Institute top officials sa susunod na mga araw para talakayin ang programa.
Ang five-year-old feeding program ng Coca-Cola ay naglalayong lutasin ang problema sa anemia.
Sinabi pa ni Baylon na inilunsad ng Coca-Cola ang programa nito laban sa anemia noong 2006 at malaki ang naitulong sa Bukidnon, South Cotabato at Leyte.
- Latest
- Trending
