Legendary referee sa away ni Nietes

CEBU, Philippines - Way lain kundi ang legendary Mexican referee nga si Joe Cortez ang gikatahong mahimong third man of the ring sa giatangang WBO light flyweight title showdown tali ni Mexican Ramon “Principe” Garcia Hirales ug ALA stalwart Donnie Ahas “Ahas” Nietes.

Suwayan ni Nietes nga malakip sa lista sa mga Pinoy boxers nga midaog og mga bakus sa managlahing dibisyon sa iyang pakigsangka ni Hirales sa main event sa “Pinoy Pride 9” karong Oktubre 8 didto sa University of St. La Salle Gymnasium sa Bacolod City.

Sa taho sa Philboxing.com, si WBO president Paco Valcarcel mao ang personal nga mipili ni Cortez isip referee, samtang sila si Liza Giampa sa Nevada, Carlos Ortiz sa New York ug Filipino nga abogado nga si Danrex Tapdasan mao ang tulo ka judge sa away.

Sa pagkakaron, si Nietes padayun sa iyang subsub nga ensayo didto sa ALA Boxing Gym ubos sa giya sa iyang head trainer nga si Edmund Villamor ug ALA Boxing conditioning coach Pio Solon.

Uban ni Nietes nga moaway sa maong boxing card ang iyang stable mate ug bantamweight contender AJ “Bazooka” Banal batok sa wa pa hinganling Latin fighter.  - BANAT NEWS