50 mil nga premyo asa na? Nangutana ang Ave Maria

CEBU, Philippines - Kaniadtong Domingo, Agosto 7 atol sa pagbukas sa ika-11 nga season sa Cebu Schools Athletic Foundation, Inc. (CESAFI) didto sa Cebu Coliseum, akong nahibaw-an gikan sa coach sa Ave Maria Sanctuary Park/USJR Jaguars nga si Edito Salacut nga hangtud karong panahona sulod sa duha na ka buwan kapin ang milabay, wala pa gyud nila madawat ang ilang premyo nga P50 mil isip third placer sa miaging Cebu Basketball Association (CBA).

Naglibog si Salacut ug ang iyang mga players kung kinsay angayan nilang paninglan niini ug kung kanus-a gyud kini nila madawat ang premyo sa CBA. Gibandelyo sa CBA nga ang maong torneyo maoy labing dako sa kasaysayan sa commercial league dinhe sa Sugbo kay tiaw mo’y P200 thousand ang premyo sa kampiyon ug P100 thousand ang premyo sa second placer.

Sa kasamtangan, daw sa padayon pang naghuwat sila si Salacut sa ilang hinagoan ug nanghinaut nga dili unta kini hikalimtan sa dayon sa mga organizer sa maong lega.

Angay gyud untang tumanon kung unsay isaad aron dili motagam ang mga teams sa pagsalmot kay aduna man gyu’y maselo ug dili na ganahan mo-usab pagsalmot kung saad-saaran lang ang mga teams.

Apan sumala sa akong nahibaw-an gikan kang Jeff Go, ang team manager sa juniors champion sa CBA nga Cebu Eastern College (CEC) Dragons, wala sab diay gihapon makadawat sa ilang premyo nga P50 mil. Wala diay mag-inusara ang Ave Maria ug maka-ingon ra sab si Salacut “Jeff, welcome to the club.”

Gawas lang seguro ug naanad na’g saad-saad unya ma-ikog na lang sa pagpaninigil ang team nga hingtungdan kay dili man kana sama sa utang apan “word of honor” sa usa ka tawo ang nakataya niana. Dili lang kay huwaton pang ma-impas sa limot apan magbaton unta ug kaikog mismo ang organizer sa lega aron dili sila libakon ug himoong kataw-anan sa hilum.

* * *

Nabaniog sa pamantalaan ang kadaugan sa Philippine Dragon Boat Federation (PDBF) dihang mihakot kini ug lima ka gold medals ug duha ka silver didto sa World Dragon Boat Festival sa Tampa Bay, Florida sa miaging semana.

Apan sumala pa sa taho nga kini diay’ng PDBF wala ilha sa Philippine Olympic Committee nga usa ka national team tungod kay ang dragon boat event dili man usa ka Olympic sports ug sama sa ordinaryong adlaw, wala’y kisaw ang taga POC ug ingon man sab gikan sa Philippine Sports Commission (PSC). Hinoon misaad ang PSC nga adunay madawat nga incentives ang mga dragon boaters.

Pag-abot sa PDBF team gikan sa America, wala gyu’y bisan usa ka sports official ang mipatim-aw kay mahadlok tingali ang mga kagwang nga makahatag og kwarta nga gikan ra sab sa buhis sa katawhan.

Kining atong pagdaug og mga sports events angay kining daygon bisan pa og walay kini labot sa Olympics. Dili kini sala sa mga atleta apan ang kakuwang sa suporta sa gobiyerno maoy dakong suliran. 

Kalabot niining paghagdaw og gold medals didto sa Florida, dili diay lunlon kasub-anan ang sukli gikan sa atong kagamhanan ilabi na kay mipahibalo na ang PSC commssioner nga si Jose Luis Gomez nga mohatag diay sila’g incentives ug misaad sab ang atong 285 ka mga sakop sa Kongreso nga mag-amotay sila’g singko mil matag usa aron adunay ikapahalipay ngadto sa mga dragon boaters.

Miscellaneous. It was indeed a befitting and full of reckoning experience to have attended for the second time the retreat of my daughter Nicole at the University of San Carlos (USC) Talamban Campus retreat house last Thursday, August 11. Incidentally, SPORTSgab is the class president of Grade 10 Section Fr. Anthony Buchcick under class adviser Mr. Edilberto Son, Jr. I am also the PTCA executive board PIO for the fifth consecutive year. Thanks to the Legaspi couple from Dumlog, Talisay for offering us a ride from Talamban to Mambaling after the retreat. Congrats to all PTCA board officers and homeroom officers on their induction last Saturday, August 13 at the Rudolf Rahmann Cultural Center. (BANAT NEWS)