Aboude mobida sa SWU Cobras

CEBU, Philippines - Mahimong ang African-born player nga si Justin Aboude maoy mahimong tubag sa dugay nang pagpaabot sa Southwestern University (SWU) Cobras aron modaog sa labing una nilang korona sa Cebu Schools Athletic Foundation, Inc. (CESAFI) nga sugdan karong adlawa.

Si Aboude may gitas-on nga 6-foot-6 ug adunay shooting touch sa perimeter ug maayo sab modepensa.

Posible mahitabo kini tungod sa presensiya sa bag-o nilang head coach nga si Raul 'Yayoy' Alcoseba.

Sa laing bahin, ang coach sa University of Cebu (UC) Webmasters nga si Roel Gomez daku gihapon og pagsalig nga makadepensa sa ilang korona karong tuiga.

"The Cobras maybe strong and the team to beat but sad to say we cannot also afford to lose and we are banking on our championship experience," matud pa ni Gomez.

Mapasaligon sab ang Cebu Eastern College (CEC) Dragons nga ilang madepensahan ang korona sa high school. (FREEMAN)