CEBU, Philippines - Makita na ang abilidad sa lima ka mga koponan nga walay laing tumong mao ang pagsakmit sa kampiyonato sa Super Leg sa SMC Liga Pilipinas Conference V nga sugdan karong adlawa didto sa Xavier University Gym sa Cagayan De Oro City.
Mangulo sa pinaksitay sa usa ka semana nga Super Leg mao ang three-time leg champions Mandaue RDAK Transport Cebu Landmasters nga adunay 12-4 win-loss record, uban sa Misamis Oriental Meteors (10-6), defending Liga champion M. Lhuillier Kwarta Padala-Cebu Niños (9-7), Laguna Golden Lions (6-10) ug ang MP Warriors Gensan (5-11).
Magsangka sa usa'g-usa ang lima ka koponan sa usa ka single round robin format diin ang top two teams ang moabante sa finals.
Sa wala damha nilang pagsulbong ug nigawas nga No.1 team, ang Mandaue Landmasters nilang team owners Joe Soberano ug Rick King mosuway pag-angkon sa labing una nilang titulo sud sa tulo ka tuig nila nga pangindahay sa liga.
Si Mandaue coach Jun Tan mosandig ni two-time leg MVP Mark Magsumbol, Ariel Capus ug Axe Doruelo.
Andam hinuon mobabag ang Meteors sa dautang laraw sa Landmasters ug pahimuslan nila ang ilang homecourt advantage. (BANATSPORTS)