Azkals giduwaan sa Germans

Giduwa-duwaan sama sa bata sa SV Darmstadt 98, usa ka third division German team ang Philippine Team Azkals, 5-0, atol sa ilang exhibition game didto sa Germany.

Yanu ra kaayong nakapasulod sa ilang mga tira ang mga Germans kinsa mikulit dayun og 4-0 nga labaw sa halftime, gisundan sa laing goal sa dayung tapos sa duwa.

Smart Gilas mabungkag ?

Peligrong madismantol ang Smart Gilas National team kun mapakyas sila sa ilang tuyo nga musulod sa top three sa FIBA-Asia Championship karong Septiyembre 15 didto sa China .

Ang top three placer sa FIBA-Asia Championship mao ang morepresentar sa Asya alang sa 2012 London Olympics.

Montiel daog via KO

Malampuson ang comeback fight ni kanhi three-division world titlist Fernando Montiel dihang iyang gipakamang ibabaw sa ring sa round 3 ang iyang kababayan nga si Nehomar Cermeno didto sa Mexico .

Kadto ang subling pagbalik og saka sa ring ni Montiel human usab sa iyang sakit nga kapildehan sa mga kamot ni Nonito Donaire Jr. niadtong Pebrero.

Wa matay-og sa Bagyo

Gipahibalo ni Philippine Football Federation (PFF) president Mariano Araneta nga pabiling anaa sa nindot nga kondisyon ang Rizal Memorial Sports Complex nga maoy gamiton isip home court sa Azkals sa ilang duwa batok sa Sri Lanka sa Hulyo 3.

Kini bisan paman sa pag-igo sa grabeng bagyo nga may dalang baha didto sa kaulohan. (LPM)(BANAT)