Bronze lang sa 3 Pinoy boxer
Guiyang, China- Ang hometown advantage ang ginamit ng mga Chinese boxers sa China Open mula sa kanilang panalo sa tatlong Filipino pugs sa semifinal round.
Unang nabigo si 2010 Asian Games bronze medalist Victorio Saludar kay Zhou Shi Ming, sumuntok ng gold medal sa 2008 Olympic Games sa Beijing, sa 49-kilogram division sa iskor na 16-22.
Ang ikalawa ay si Asian Games gold medalist Rey Saludar na yumukod kay Chang Yong, 16-32, at ang ikatlo ay si Analisa Cruz na natalo kay Ren Can Can, ang gold medalist sa 2010 Asian Games at dalawang beses sa World championships, sa iskor na 5-13.
Sa kabila ng kabiguang ito ng Pinoy boxers, pinuri pa rin n i ABAP executive director Ed Picson ang kampanya ng Filipinos at sinabi nitong “we accomplished a lot here. We know where are our strengths and weaknesses lie. We gave their best boxers a hard time and they know it. I think we gained a lot of respect. 3 bronze medals here is not bad”.
Tatanggap ang magkapatid na Saludar at si Cruz ng tig-$1,000 bunga ng kanilang bronze medal performance sa China Open .
- Latest
- Trending
