Maria pasok sa semis ng French Open
PARIS--Umabante si Maria Sharapova sa semifinal round ng French Open sa unang pagkakataon matapos umiskor ng isang 6-0, 6-3 panalo laban kay 15th-seeded Andrea Petkovic ng Germany.
“There’s no doubt there’s tough moments. I don’t think without tough moments the good ones would feel so good,” wika ng seventh-seeded na si Sharapova
May-ari ng tatlo pang titulo sa magkakaibang major tournaments, ang pagrereyna sa Roland Garros ang magbibigay kay Sharapova ng karangalan bilang pang 10th woman na nakumpoleto ng isang career Grand Slam.
Sa semifinals ay makakatagpo niya si No. 6 Li Na ng China, tinalo si No. 4 Victoria Azarenka ng Belarus 7-5, 6-2.
Sa iba pang women’s semifinal, makakaharap ni No. 5 Francesca Schiavone ng Italy, ang defending champion, si No. 11 Marion Bartoli ng France.
Si Bartoli ang pang apat na Frenchwoman sa Open era na nagsimula noong 1968 na nakapasok sa semis ng Roland Garros.
Noong 2007 naman huling umabante si Sharapova sa semis ng torneo, habang nakapasok si Li sa fourth round noong 2009 kung saan siya yumukod kay Sharapova.
- Latest
- Trending
