Smart Gilas milubong sa Saudi

CEBU, Philippines - Milampos sa una nilang tahas ang Smart Gilas Team Pilipinas dihang ilang gilubong ang Al Itthad sa Saudi Arabia , 101-69 sa opener sa 2011 FIBA-Asia Championship Cup didto sa PhilSports Arena.

Ang 6-foot-9 nga si Japeth Aguilar ang nangulo sa national team sa iyang 20 puntos.

Taylor import sa Petron

Ang kanhi Los Angeles Clippers nga si Michael Rene Taylor mao ang gikuhang import sa Petron Blaze alang sa ilang kampaniya sa PBA Governor’s Cup.

Ang 6-foot-2 nga si Taylor nag-average og 5.7 points, 2.1 assists ug 1.7 rebounds uban sa Clippers sa miaging 2008-09 season sa NBA.

10,000 fans nagsaulog

Di matagakan og dagom ang kadalanan didto sa Barcelona,Spain dihang 10,000 ka mga football fans ang mihugop aron isaulog ang kadaugan sa ilang koponan batok sa Manchester United alang sa titulo sa Champions League.

Ang Barcelona gipangulohan sa mga football superstars nga sila si Lionel Messi ug David Villa.

Away gi-boo

Giuwan og “boo” ang main event sa UFC 130 tali nila ni Quinton “Rampage” Jackson ug Matt Hamill didto sa MGM Grand Garden Arena sa Las Vegas .

Wa matagbaw ang mga Mixed Martial Arts enthusiast tungod sa pagkapakyas ni Jackson nga makahimo og knockout nga kadaugan batok sa underdog nga si Hamill. (LPM) (BANAT NEWS)