Mancio bag-ong RP lightfly king

CEBU, Philippines - Gilangkat ni Jerson Mancio ang bakanteng Philippine light flyweight title batok sa Sugbuanong si Jason Canoy sa main event sa “"Championship Fight sa San Remigio" sa miaging gabii didto sa San Remigio Sports Complex.

Bisan pa sa dakung gisi sa iyang kilay ug apapangig, wala kini makapugong ni Mancio pagkulit og "unanimous decision" nga kadaugan.

Ang lumad nga taga Agusan del Sur nga nag-ensayo ubos sa giya ni ALA trainer Edito Villamor mipakita sa iyang kalig-on dihang iyang gikilaw ang mga kusog nga suntok ni Canoy, kinsa gikuhaan usab og puntos sa referee tungod sa headbutt.

Sa supporting bout, si Welbeth Loberanis sa Mandaue midaog pinaagi sa 6th round TKO batok ni Don King Tampus sa Davao City.

Miresulta sa "technical draw" ang sangka ni Jun Intor sa ALA Gym batok ni Cris Leon sa Bukidnon. (BANATSPORTS)