2nd batch Yaw-Yan ArDigma summer clinic sugdan karon

CEBU, Philippines - Ang enrollment sa second batch sa Yaw-Yan ArDigma Martial Arts Federation, Inc. Summer Clinic sugdan karong adlawa didto sa Yaw-Yan Headquarters sa fourth floor sa Coast Pacific Downtown Center atbang sa University of Cebu (UC)-Main campus sa dalan Sanciangko.

Si Yaw-Yan ArDigma-Cebu founder ug Vis-Min director Benigno 'Master Ekin' R. Caniga Jr. nagkanayon nga bukas pa sila nga manawat sa mga interesadong batan-on nga gustong motuon og paagi sa pagpanalipod sa kaugalingon.

Ang Yaw-Yan Ardigma usa ka matang sa martial arts nga mogamit sa nagkadaiyang parte sa lawas isip hinagiban sama sa sumbag, patid, head ug shoulder butts, siko ug tuhod.

Gawas sa Yaw-Yan Ardigma System, lakip usab nga tun-an sa maong summer clinic mao ang arnis, boxing ug Mixed Martial Arts (MMA). Alang sa dugang mga kasayoran, mahimong   motawag sa numero 0919-8215582 o 0932-4524999. (BANAT NEWS)