Asenjo napakyas

Nahanaw ang paglaum sa Filipino fighter nga si Rommel Asenjo nga mamahimong world champion dihang gipahunong siya sa round 3 sa Mehikanong si Raul Garcia alang sa WBO minimum weight title.

Tungod sa maong kapakyasan wa kalikayi sa 21-anyos nga si Asenjo nga mupato og luha sulod sa dressing room human sa away didto sa Mexico . (LPM)

Pacman-Mosley docu sa TV5

Nakuha sa TV5 ni businessman ug sportspatron Manny V. Pangilinan ang katungod nga mopasalida sa giatangang pre-fight documentary sa May 7 fight ni Manny Pacquiao ug Shane Mosley.

Ang maong docu nga giulohan og Fight Camp 360, musubay sa giagian nga training sa duha ka boksidor sa dili pa ang ilang WBO welterweight title fight.

Couture miretiro

Hingpit nang mopahuway sa natad sa Mixed Martial Arts (MMA) ang legendary fighter nga si Randy Couture human sa iyang kapildehan batok sa Brazilian nga si Lyoto Machida kagahapon sa UFC 129.

Bisan pa og gi-knockout siya ni Machida , giuwan gihapon og pagdayeg ug abiba si Couture kinsa usa sa umaabot nga UFC Hall-of-Famer. (LPM)

Fil-foreign maglisud sa draft

Bag-ong patakaran ang ipatuman sa PBA sa nagsingabot nga rookie draft nga mamahimong labad sa ulo sa Fil-foreign players nga interesadong musulod sa liga.

Alang sa nagsingabot nga 2011 PBA Rookie Draft, kinahanglan ang mga Fil-foreign players nga moduwa og duha ka season sa PBA D-League aron mahimo silang illegible sa draft. (LPM)