Winner yabo sa San Marino

CEBU, Philippines -  Bag-o lang nahibalik gikan sa PRISAA, apan wala gihapon kini mopakita'g kaluya dihang ilang gigiyahan ang San Marino Corned Tuna pagkulit og 85-76 nga kadaugan batok sa Winner Beef Loaf kagahapon sa nagpadayong 5th CESAFI Partners' Cup didto sa Cebu Coliseum.

Ning pagsuwat, padayon pang nagduwa ang second placer Lion Tiger batok sa Rose Aquarius Merchandising.

Si Pacquiao mihimo'g 20 puntos, samtang si Armecin mihipos og 15 puntos alang sa San Marino nga mikulit sa ilang ikaduhang daog sud sa lima ka duwa.

Mihulga unta ang Winner, apan dali kaayong napakgang ang ilang rally tungod sab sa maayong depensa sa San Marino.

Ang 1-3 nga Winner nga maoy nilabaw sa halftime, 43-36, gipangulohan ni Allan Dimco sa iyang 16 puntos, gisundan ni Steve Castro nga adunay 13 puntos.

Napugngan sab sa San Marino ang leading scorer sa Winner nga si Chester Curso, kinsa igo lang mi-iskor og singko puntos.  (BANATSPORTS)