CEBU, Philippines - Mirehistro sa ilang ikaduhang daog ang Fe's Lechon human nila gipilde ang Fast Transit, 65-60 sa United Pusok Balls Club (UPBC) basketball tournament didto sa barangay Pusok open court sa Lapu-Lapu City.
Grabe kaayo kainit ang gipakitang duwa sa Fe's Lechon diin nabahin ang ilang mga puntos.
Usa lang ang naka-iskor og double figures nga si Baguio nga adunay 10 puntos, apan tanang mga magdudula sa Fe's Lechon ang nakapuntos.
Sukwahi sa Fast Transit diin katunga lang sa ilang players ang naka-iskor nga gipangulohan ni
Dejares pinaagi sa iyang 19 puntos, gisundan ni Unabia nga adunay 15 puntos.
Ang UPBC cagefest gipaluyohan sab sa Pusok Physical Fitness Club, Math'z Sports Mania, JB Sportswear ni Billy Nadado ug Pusok Brgy. Capt. Tranquilino T. Omolon Jr. (BANATSPORTS)