Alcala, De Vera humataw sa PBaRS
MANILA, Philippines - Walang hirap na umabante si Markie Alcala sa third round sa U-15 boys singles nang dominahin ang kalaban sa pagpapatuloy ng P1 milyon Philippine Badminton Ranking System (PBaRS) kahapon sa Powersmash sa Makati City.
Ang 12-anyos na si Alcala na kapatid ng national player na si Malvinne ay dinurog si Junean Hendriyanto, 21-8, 21-3, upang tumibay ang hangaring madomina ang dibisyon at masundan ang panalong kinuha sa U-13 sa Ming Ramos-Victor National Open.
Si Faith De Vera ay nanaig kay Angela Ramos, 21-18, 21-18, para mapasok naman ang quarterfinals sa girls’ division ng age bracket sa palarong suportado ng MVP Sports Foundation-Goal Pilipinas!, Bingo Bonanza Corp. at Victor.
Sunod na kalaban ni Alcala ay si Vincent Manuel na pinagpahinga na si Wilson Lopez, 21-14, 21-11; habang si De Vera ay kakaharapin si Kyle Bernas.
(ATAN)
- Latest
- Trending
