ALA-Cobra mikulit kasaysayan

CEBU, Philippines - Mihimo og kasaysayan ang nabantog nga ALA Promotions ug Cobra Energy Drink niadtong weekend pinaagi sa pagpahigayon og talagsaon ug labing unang professional boxing event didto sa Boracay sa Aklan.

Gatosan ka foreign ug local tourists ang nalingaw sa maong boxing promotion.

Mibida sa fight card mao ang taga-Aklan nga si Mhar Jun Macahilig, kinsa mipaundang ni Ryan Tampus sa second round.

Ang makasaysayanong event gisuportahan usab sa Aklan Provincial Government ubos sa liderato ni Governor Carlito S. Marquez ug Mayor John Yap sa Municipality of Malay. (BANAT NEWS)