LLBA Rollway All-Star game 2011 karong gabii

CEBU, Philippines - Panahon sa mga piniling magduduwa gikan sa nagkalain-laing koponan nga nisalmot sa LLBA Rollway Cup basketball tournament sa pagpakita sa tanan nilang tinagoang abilidad sa ipahigayong 2011 LLBA Rollway All-Star Game karong gabii didto sa Villas Magallanes gym sa Lapu-Lapu City.

Unang magsangka mao ang LLBA East ug LLBA West sa 40-above division sa alas-7 sa gabii. Dayon ang East ug West sa 35-above category.

Ang LLBA East sa 40-above pangulohan ni Alan Yu ug Dario Tariman sa AJY, uban nilang Lito Magat, Michael Ouano, Ryan Ceniza ug Junax Igot sa Igot Trucking, Diego Tampus ug Leo Bascon sa Solmeat, Pompey Ngujo, Renato Casinillo ug Junjun Pardillo sa 3MRJ ug Eddie Bontes sa Cavs.

Samtang ang komposisyon sa LLBA West mao sila Amay Palad, Centes Brañanola ug Rolly dela Pieza sa Rollway Customs Brokers, Leo Almacin, Rene Cuadra, Arman Lamoste ug Jerry Augusto sa Lheo Autoshop, Alan Sepe ug Jun Medina sa Rulls Bakeshop, Ernie Giganto sa Yan C Rico, Roger Ompad sa JJTS, Victor Malingin sa VKK Divers ug Nestor Villarino sa Boyla's Hotel.

Sa laing bahin, ang LLBA East sa 35-above gilangkuban nilang Buldog Ybañez, Glenn Aying, Onad Igot ug Darwin Pangatungan sa VKK Divers, Uriel Manilag ug Dondon Sevilla sa Rollway, Roger Rukawa ug Mario Bancale sa JJTS, Jonathan Tojeno sa Igot Trucking, Jonathan Lazaraga sa Solmeat ug Christopher Sayson ug Dindo dela Rama sa 3MRJ.

Ang kontra nila gilangkuban nila ni Jimboy Igot ug Neil Burlaos sa Cavs, Mark Lucas sa VKK, Bosyo Ompad sa Rulls Bakeshop, Jerome Plarisan ug Dorig sa Solmeat, Takyo Taghoy ug Cordero sa JJTS, Ricky Wagwag sa AJY, Alvin Bentazal sa Rollway, Ronron Aying sa Boyla's Hotels ug Andrei Aton sa Yan C Rico.

Ang maong kalihukan gisuportahan nila ni Rolly dela Piza ug JB Sportswear ni Billy Nadado.  (BANATSPORTS)