CEBU, Philippines - Mipakita dayon og maayong labok ang bag-ong team Van System dihang ilang gipug-an ang Water Market, 84-78 sa pagbukas sa 2011 Power Forty Commissioner’s Cup basketball tournament niadtong Martes didto sa Inayawan Sports Complex.
Makapa-inat sa kilay ang matang sa duwa nga gipakita ni Fernando Sumargo dihang mihipos siya’g 35 puntos alang sa Van System, samtang si Celso Cabaluna mipuno og 13 puntos.
Sila si Vez Eleguin ug Rey Mabalcon parehong mibahog og 20 puntos alang sa Water Market.
Sa laing duwa, si Alex Mercado miposa og 25 puntos aron pangulohan ang UTASSCO nga mipukan sa Park 'N Go Bakeshop, 108-103. Sila si John Tantay ug Gideon Bughao miamot og 18 ug 16 puntos matag usa alang sa maong kadaugan.
Ang Park ‘N Go Bakeshop gipangulohan sa beteranong si Michael Arias nga mihaon og 35 puntos. Sila si Jingjing Rama ug Mardy Echavez mitampo og 19 puntos matag usa.
Midaog sab ang F.C. Fortune batok sa Allyn & Sons.
Si Melvin Caumeran maoy topscorer sa F.C. Fortune pinaagi sa iyang 20 puntos, samtang si Joel Cañete nga mipupo og 33 puntos mao sab ang nangu sa pilderong Allyn & Sons.
PUNTOS MATAG USA
Unang duwa:
Van System (84) - Sumargo 35, Cabaluna 13, Nacario 9, Labalan 6, Samson 5, Flordeliza 4, Cabatas 4, Abarquez 2, Montuis 2, Gabuya 2, Abella 2
Water Market (78) - Eleguin 20, Mabalcon 20, Dela Rama 14, Unabia 11, Nacional 8, Dacalos 2, Dejacto 2, Labajo 1
Ikaduhang duwa:
UTASSCO (108) - Mercado 25, Tantay 18, Bughao 16, F. Yosores 11, Cabrera 8, Yu 6, Abasolo 6, Atillo 6, Sabejon 4, Yosores 2, Ramil 2
Park ‘N Go (103) - Arias 35, J. Rama 19, Echavez 19, Dejarme 9, Albaño 8, Abasolo 7, R. Rama 4, Pestaño 2
Ikatulong duwa:
F.C. Fortune (94) - Caumeran 20, Tabar 17, Ebrado 15, Piezas 11, Rabadon 6, Mapait 4, Mosqueda 4, Kalinga 3, Navares 2
Allyn & Sons (84) - Cañete 33, Moniva 15, Lisondra 11, Tabar 8, Sandal 7, Cañedo 5, Plarizan 5 (BANAT)