CEBU, Philippines - Lain na sab nga dakung international sporting event ang mahitabo didto sa dakbayan sa Lapu-Lapu pinaagi sa pagpahigayon sa Cebu leg sa 2013 Asian Beach Games.
Kini maoy gipahibalo ni Lapu-Lapu City councilor ug Committee on Sports chairman Harry Radaza, kinsa nakadawat sa maong kalamboan gikan mismo ni Philippine Olympic Commission (PSC) chairman Monico Puentevella.
Ang maanindot nga talan-awon ug world-class facilities sa Lapu-Lapu maoy hinungdan nganong didto sa maong siyudad ipahigayon ang Asian Beach Games.
Kapin sa 2,000 ka mga atleta gikan sa 25 ka mga nasud ang magtigi alang sa dungog ning labing dakung beach games sa Asya.
Sa pagka karon, ang kagamhanan sa dakbayan sa Lapu-Lapu nagpaabot na lang sa pirma ni President Benigno Aquino ug Olympic Council of Asia (OCA) President Sheik Al Fahad aron makapangandam na kini. (BANAT)