Suntok Ginto ilulunsad sa PSA Forum ngayon

MANILA, Philippines - Pormal na ilulunsad ng Amateur Boxing Association of the Philippines (ABAP) ang kanilang Olympic fund-raising programa na ‘Suntok Ginto’ ngayong araw sa exclusive session ng PSA Forum sa Emerald Garden Restaurant sa Roxas Blvd.

Inaasahang dadalo sa nasabing special edition ng public sports program na isinasaere sa Sports Radio 918 at inihahandog ng Outlast Battery, Philippine Amusements Gaming Corp (PAGCOR) at Shakey’s, ang matataas na opisyales ng ABAP sa pamumuno nina secretary-general Patrick `Pato’ Gregorio at executive director Ed Picson, kasama ang mga kinatawan ng J Romero and Associates advertising agency.

Magsisimula ang session ng alas-11 ng tanghali.