Salazar Midaro sa Landmasters

CEBU, Philippines - Gibaswat nilang Mark Abadia ug ex-pro Jimwell Torion ang Salazar Colleges of Science and Institute of Technology (SCSIT) sa ilang sangka kagahapon batok sa mas batan-ong Mandaue-Cebu Landmasters sa iskor, 104-96 sa unang duwa sa nagpadayong 1st ML Kwarta Padala-Cebu Basketball Association (CBA) Basketball tournament didto sa Cebu Coliseum.

Mibahug og 13 sa iyang 36 puntos si Abadia sa fourth period samtang mga krusyal nga tirada ang gihimo ni Torion aron tabangan ang ilang team sa pagdaog ug dugang naghatag og kalig-on mao ang 6-9 nga sentro nga si Rino Berame.

Tungod sa kapaspas sa Skyblazers, sila maoy unang team sa CBA karon nga mihakot og labing menos 100 puntos sa duha ka semanang lega.

Nagpakita unta og katakos ang Mandaue pinaagi sa paningkamot nilang Frangiel Omolon ug Kelvin Juliane ug yanong milusot sa depensa sa Skybazers.

Makapakurat nga 20-6 run ang gibuhian sa Skyblazes, 10 niini gikan kang Berame hinungdan nga ilang nabiyaan ang Landmasters, 58-52 may 1:18 sa wala pa ang halftime.

Nakalabaw unta og balik ang Landmasters, 81-70 ginamit ang ilang kaugalingong 23-13 run sa fourth period apan dali kaayo kining napapas dihang gipasulod ni coach Jojo Romarate silang Abadia ug Berame. Ang three-point play ni Abadia sa 4:47 maoy naghatag og balik sa labaw ngadto sa SCSIT ug wala na maka-apas og usab ang Landmasters kinsa mipatu-arak og 15 ka triples kung itandi sa SCSIT nga igo lang mihimo’g lima ka triples.

Mas daghan hinoon ang fastbreak points sa Skyblazers kontra sa Landmasters.

Sila si Omolon ug Juliane maoy nangu sa Mandaue sa ilang 27 ug 25 puntos matag usa.

Puntos matag usa:

SCSIT (104)- Abadia 36, Berame 21, Isidro 19, Torion 11, Guangco 8, Juevers 3, Labares 2, Garcia 2, Murillo 1.

Mandaue (96) - Omolon 27, Julianne 25, Rogado 11, Tundag 8, Espina 5, Samonte 5, Pela 4, Pagasian 3, Dennison 3, Licanda 3, Abatayo 2.  - BANAT NEWS