CEBU, Philippines - Giangkon ni Jeffrey Codino ang korona sa labing unang staircase run dinhi sa nasud nga giuloha'g "Tower Power Race" niadtong Domingo didto sa Crown Regency Hotel sa Osmeña Boulevard, ning siyudad.
Si Codino maoy labing paspas nga nakakatkat sa 910 ka ang-ang sa hagdanan sa 41-level building nga mi-oras sa upat ka minutos ug 16.327 segundos.
Nagsunod ni Codino nga mitangas sa labing taas nga edepisyo sa nasud mao si Jobert Carolino nga mi-oras og 4:40.949 alang sa ikaduhang dapit, samtang ang taga-Poland nga si Konrad Zak mitapos sa ikatulong dapit sa oras nga 4:53.058.
Ang giilang trainer sa dagan nga si Paul Zafico nalabay sa ikaupat sa oras nga 4:57.288. (BANATSPORTS)