CEBU, Philippines - Gihimong hait nga hinagiban sa Park ‘N Go ni team manager Romy Rama ang walay puas nilang pangatake sa second half paglubong sa Ginebra, 97-65 aron malangkat ang division B crown sa Talisay Basketball Association (TBA) season-opening conference didto sa Talisay City Sports Complex.
Ang Park ‘N Go ni coach Charlie Reyes, kanhi sakop sa San Beda Red Cubs, nabiyaa’g siyete puntos sa halftime, 31-38, apan mipabuhagay og nagbagang opensa sa mosunod nga duha ka kuwarter nga maoy mitukmod kanila pagkab-ot sa 32 puntos nga kadaugan.
Sa laing duwa, ang Celtics mao sab ang nanghawod sa legend division human sab nila gilubong ang Suns sa iskor nga 68-39. (BANATSPORTS)