Melligen daog via U.D.
CEBU, Philippines - Milampos ang ALA welterweight prospect nga si “Mighty” Mark Jason Melligen sa pagkulit og impresibong daog dihang iyang gikulata ang Mehikanong si Gabriel Martinez sa undercard sa Nonito Donaire Jr.-Fernando Montiel showdown kagahapon didto sa Mandalay Bay Event Center.
Grabeng gidomenahan ni Melligen ang away og bisan pa og milungtad sa dose ka hugna, wala gyud niya makaporma si Martinez kinsa kanunay nga masungag sa jab ug straight sa Bacolod City native boxer.
Misarasay usab si Martinez sa ikapitong round human gipakaon og right hook ni Melligen.
Sa maong kadaugan si Melligen segurado na og laing dagkung away nga ihatag kaniya gikan sa Top Rank Inc. ni Bob Arum nga maoy nagkupot sa iyang karera didto sa Estados Unidos.
“After the Martinez fight where I will do all I can to win, I hope to further my campaign in the US and hopefully have a busy year,” matud pa ni Melligen sa ABS-CBN News.
Si Melligen misaka sa record nga 21-2, 14KOs, samtang ang beteranong si Martinez nahagsa ngadto sa record nga 27-2-1, 14KOs.
Sa iyang bahin, ang Las Vegas based trainer ni Melligen nga si Tony Martin nagkanayon nga plano nila nga moaway pagbalik sa Mayo 6 didto gihapon sa Las Vegas ug nanghinaot sila nga makuha nila ang away batok sa rated welterweight boxer nga si Alfonso Gomez. - BANAT NEWS
- Latest
- Trending
