CEBU, Philippines - Parehong mikulit og daog ang Young Lawyers Association (YLAC) ug ang Jodin batok sa tagsa-tagsa nila ka kaatbang aron magsawo sa liderato sa nagpadayong 6th Integrated Bar of the Philippines (IBP) All Lawyers League 2011 kagahapon didto sa Capitol Parish Gym sa dan Escario, ning dakbayan.
Ang YLAC nga gipangulohan ni commissioner Ian Anthony Tapayan naka-eskapo batok sa Blue Eagles, 67-64 samtang ang Jodin nga gipangulohan ni Allan Geotina, mimakmak sa Brothers N Law, 52-35.
Sa sayo pa, mikulit og dakong upset ang Los Demonyos batok sa Pañeros Dynasty, 68-51 ug sa laing duwa, midaog ang defending champion Super Idols Empire batok sa Pecandela Law Firm nga gipaluyohan sa Mang Tinapay, 58-47.
Ang YLAC kinsa migamit og 24-11 scoring run sa uwahing bahin sa third period, gipangulohan nilang Rey Gealon ug Resty Arnaiz kinsa miposa og 13 ug 12 puntos matag usa ug aduna na karo’y 2-0 nga baraha.
Sa laing bahin, ang Jodin kinsa naghupot sab og 2-0 nga baraha.
Si Ramsey Quijano maoy nangu sa Empire sa iyang 16 puntos ug parehong midugang sila si Jun Feliicitas ug Fermin Pepito og 14 puntos. Ang Pecandela gipangulohan nilang Tommy Yu ug Sam Malazarte sa ilang 14 ug 12 puntos, matag usa.
Ang Empire, Pecandela, Los Demonyos ug Pañeros pareho na karon naghupot og 1-1 nga baraha.
Si Richard Bauzon maoy nangu sa Los Demonyos sa iyang 17 puntos ug si Lito Ortiz midugang og 14 puntos samtang ang Pañeros gipangulohan ni Ting Ordeniza sa iyang 13 puntos.
Puntos matag usa:
First Game:
Los Demonyos (68)– R. Bauzon 17, Ortiz 14, Riveral 12, Bragat 5, Sumampong 5, Del Prado 4, Flores 4, Montealegre 3, Tambago 2, E. Bauzon 2
Pañeros (51)– Ordeniza 13, Busi 10, Cabilte 8, Juban 6, Balorio 4, Molde 3, Calipayan 3, Ruaya 2, Cagulada 2
Second Game:
Super Idols (58)– R. Quijano 16, Felicitas 14, F. Pepito 14, B. Pepito 4, Salubre 4, Mañus 2, Argawanon 2, Heyrosa 2, Santiago 2
Pecandela (47)– Yu 14, Malazarte 12, F. Pepito 6, Avila 4, I. Gamallo 4, Tomaodos 3, M. Gamallo 2, Cañete 2
Third Game:
YLAC (67)— Gealon 13, Arnaiz 12, Ligutan 11, Ang 8, Guieb 7, Verallo 6, Villarin 3, Velez 3, Sucalit 2, Sapayan 2
Eagles (64)–Velmonte 14, Lagahit 13, Godornes 7, Abcede 6, Arrabis 6, Solis 6, Hiyas 5, Puspus 5, Pareja 2
Fourth Game:
Jodin (52)– Macion 10, Gidayawan 6, Maamo 6, Macabaya 6, Presas 6, Andal 4, Narido 4, Geotina 4, Sarno 4, Elmido 2
Bros N Law (35)– Quiban 8, Bacalla 8, Astillero 5, Villegas 4, E. Rama 4, Rama 2, Tabotabo 2, Sususco 2. - BANAT NEWS