12 ka paresan magsinuntokay ugma

CEBU, Philippines - Dose ka paresang amateur prospects dinhi sa Sugbu ang magsinuntokay sa laing edisyon sa Summit Natural Drinking Water Fight Night Series ugma sa gabii didto sa Talamban Sports Complex.

Mangulo sa fight card mao ang mga boksidor sa Phil-Australia Boxing Club (PABC) nga mopadala og upat ka boksidor sila si Richard Rama, Rodel Wencislao ug managsuong Raul ug Rhezon Tarona. 

Sila si Raul ug Rhezon makigharong nilang Ramil CastaÒares ug Kit Garces sa Banilad Elementary School, samtang si Rama moatubang ni Ariel Sibay sa Flores Boxing Club ug si Wencislao makigsangka ni Eleno Traya. 

Ang teammate ni Sibay nga si Melmark Dignos makigbinukbukay ni Bryan Remedio sa University of the Visayas. Si Kevin Jake Catajara mosuway pagsakmit og daog batok ni Lester Dula. 

Lakip sa fight card mao ang sangka nila ni Warren Gabumpa sa Pit-os batok ni Cherwellan Cantel sa Maguikay, Jicky Maluoay sa Cabancalan batok sa Batang Lacion nga si Roldan Bereso ug†Mardy MoaÒa batok ni Reoxyl Tabogon. 

Magsinukdanay og kusog ang laing UV boxer nga si Dann Lou Codilla ug taga-Lahug nga si Dominiciano Millanes, Jan Ivor Lastrilla batok ni Christian Apawan ug Rhiyan Canillas sa Toledo batok ni Mark Bernaldez sa Butuan City. - (BANAT NEWS)