CEBU, Philippines - human niya gidominar ang 1st PLDT-Smart 10 Miler niadtong miaging adlaw didto sa Cebu City Sports Center (CCSC).
Gitapos ni de los Santos ang lumba sa oras nga 8:50-07 aron angkonon ang 16K women's crown.
Si Madelyn Carter milandig sa ikaduha nga dapit sa oras nga 1:11.49.11, samtang ang top female triathlete sa Sugbu nga si Lorhiz Echavez napunta sa ikatulo sa oras nga 1:19.28.88.
Sa men’s division, si Joel Alcorin sa Negros Occidental mihimo og dakung surprisa dihang mipatigbabaw kini batok sa mga tang-ang runners sa Cebu. Iyang gitapos ang lumba sa oras nga 56:17.59 alang sa kampiyonato.
Nahimutang sa ikaduhang dapit mao si Milo Marathon regional champion Adonis Singson (56:17.59) ug ang mi-okupar sa ikatulo si Philip Duenas (59:12.79).
Si Mary Joy Tabal (42:58.13) ug Joebert Carolino (34:57.13) maoy nanghawod sa 10K Open, samtang sila si Joel Delposo (18:52.13) ug Aiza Suaybaguio (22:29.57) sa 5K class. (BANAT NEWS)