Arenas bumandera sa Magic sa paghiya sa Spurs

FLORIDA--Naglista si Gil­bert Arenas ng 14 pun­tos bukod pa ang siyam na assists upang tu­lungang ibangon ang Orlando Magic sa pagposte ng 123-101 panalo laban sa San Antonio Spurs nitong Huwebes sa NBA.

Ang panalong ito ng Magic ang siyang tumapos sa 10-game winning streak ng Spurs.

Humatak rin si Arenas ng anim na rebounds kung saan nakakuha siya ng ma­laking tulong mula kay Jason Richard na tu­mapos ng 15 puntos at winakasan ng Magic ang kanilang walong dikit na pag­katalo sa kanilang siyam na pakiki­paglaban at sa unang pag­kakata­on ay nagawa nilang mag­­wagi matapos ang isinagawang dalawang blockbuster trades.

Nagposte naman si Dwight Howard ng 29 puntos at 14 rebounds para sa kanyang panibagong dominanteng per­formance para sa Magic na kumana ng 59 percent mula sa floor.

Nanguna sa opensa ng Spurs si Tony Parker na nag-lista ng 16 puntos, habang nagdagdag naman si Tim Duncan ng 12 puntos at nalasap ng NBA-best Spurs ang ka­nilang ikaapat na pagkatalo matapos manalo ng 25 games.

Si Arenas ang nagmani­obra sa ginawang malaking atake ng Magic kung saan lumaro siya ng ma­­laking oras mula sa bench.

Umentra siya sa Spurs na lamang ng anim na puntos sa first quarter at mula dito gumawa siya ng matin­ding opensa at tulungan ang Orlando sa pag-angking ng 62-53 pangunguna sa halftime tungo sa kanilang panalo.