Lopez midominar sa Ultra Marathon

CEBU, Philippines - Milampos ang Sugbuanang si Mendel Lopez paghuman sa labing lisud nga hagit sa iyang karera human niya gitapos ang makutas nga 1st Ultra Marathon niadtong Domingo didto sa Mt. Manunggal sa Balamban, Cebu.

Ang registered Geodetic Engineer nga si Lopez, kinsa mibalik sa eksena sa Cebu running human mapalta og pipila ka buwan tungod sa board exam maoy unang milabang sa finish line. Gitapos niya ang 50 kilometros nga lumba sud sa upat ka oras, 35 minutos ug 55 segundos.

Gisundan siya sa laing long-distance runner nga si Charlie Beberio, kinsa mi-oras og 4:43.12 ug ni Renz Gabuya (4:48.56) alang sa ikaduha ug ikatulo nga dapit.

Mikawat usab og atensiyon ang marathoner gikan sa Manila nga si Michelle Estuar nga maoy labing unang female runner nga miabot sa finish line sa oras nga 5:35.52.  (BANATSPORTS)