Moto-x sa Carcar

CEBU, Philippines - Kulbahinam nga aksiyon ang masaksihan sa mga lumolupyo sa Carcar sa dihang mosikad ang eight leg sa 2010 MS Motosuit Motocross Series nga uloha'g "Mayor Nice Opura Motocross Cup" karong adlawa didto sa Ramona Sports and Recreation Center sa Brgy. Liburon, Carca

Si Jon-Jon Adlawan nga mihari sa pipila ka legs, maninguha na sab karon nga mohipos og laing korona aron molapad ang iyang kahigayonan nga molangkat sa "Rider of the Year" award.

Ang managsuong Jubenile ug Jubanni Abellar moladlad sa ilang abilidad aron hatagan og lisud nga hagit si Adlawan, samtang ang crowd-darling nga si John Flores, kinsa misaka ngadto experts class gipaabot nga mohatag og surpresa sa mga riders.

Gawas ni Adlawan, laing kanhi ROY awardee nga si Siegfred Ornopia naglaraw sab nga mohawod sa executive division.

Ang iyang tulo ka mga anak nga sila si Earl Jean Brylle, Ken Kerry ug Kerry Keizer nangahas sab nga modominar sa tagsa-tagsa nila ka kategoriya gikan sa peewee ngadto sa mini. (BANATSPORTS)