Suico balik sa sabakan sa ALA Boxing

CEBU, Philippines - Nabalik sa sabakan sa ALA Boxing Promotions ang three-division OPBF Champion Randy “Kumong Bato” Suico kinsa mo-away sa undercard sa Pinoy Pride II karong Nobiyembre 27 didto sa Waterfront Cebu City Hotel and Casino.

Wa pay 24 oras human pagpirma sa Braveheart boxing stable nga himuong boxing promotion outfit ang ALA Promotions, napuno karon ang Sugbuanong si Suico kinsa laraw nga ipadayun ang iyang damgo alang sa world title.

Ang Japan-based international match-maker ug manager ni Suico nga si Joe Koizumi mipadayag usab sa iyang pagmaya tungod sa dakung kalambuan sa karera ni Suico kinsa midaog sa katapusan niyang duha ka away didto sa Japan ug Korea.

Gawas ni Suico, laing boksidor nga gisagup sa ALA Promotions naglakip nila ni two-time world champion Katsunari Takayama sa Japan, former world champion Florante Condes ug Jimrex Jaca. – BANAT NEWS