CEBU, Philippines - Suwayan pag-ilog sa no. 1 super featherweight contender James Bacon ang labing una niyang bakus sa dihang mopakita kini'g gilas sa main event sa ALA Summit Fight Night Boxing Tour karong Oktubre 23 didto sa Robinson's Place carpark sa Iloilo City.
Ang Sugbuanong boxing prospect nga si Bacon (13-1, 9KOs), nga nagpalandong sa ALA Gym makigsangka ni RP ranked No. 2 Ronald Pontillas sa Manila alang sa bakanteng Philippine super featherweight belt.
Si Bacon, gikan pa mihaw-as sa 6th round knockout nga kadaugan batok ni Eric Macas niadtong Hulyo 17 didto sa Tagbilaran.
Dili hinuon katiawtiawan ang abilidad ni Pontillas tungod kay midaog kini sa katapusang tulo niya ka sangka aron inaton ang iyang rekord ngadto sa 10-3-1, 5KOs.
Sa undercard, ang taga-Mandaue nga si Jesson Enzo makigbatok ni Don Carcasona, si Albert Villacampa sa Bantayan Island makigsinukliay og kumo batok ni Kotsky Ebalang sa Cagayan de Oro, si Marjhun Makahilig moharong batok ni Rocky Sardido sa Davao, si Jefferson Reodeque makigsangka ni Nobette Lencioco ug si Tongke Balilitan makigharong ni Jomar Cordinillo sa Tagbilaran. (BANATSPORTS)