Cebu City Dancesport Team patik na's Guiness World Record

CEBU, Philippines - Napatik na sa Guiness World Record ang Sugbu human sa record-breaking nga 7,700 dancers nga misalmot sa world’s largest dance class niadtong Hunyo 27 diha sa Cebu City Sports Center oval. 

Dugay nang giila sa Guiness ang world record sa Dancesport Team Cebu City, apan wala damha ni Cebu City Sports Commission chairman Edward Hayco nga napatik na diay kini sa bag-ong edisyon sa Guiness World Record Book.

Ang record sa DTCC makita sa pahina 11 sa sikat nga libro, diin nabutang kini sa kategoriya nga popular culture-mass participation uban sa nabantog nga largest Thriller dance sa Mexico.

“Dance capital of the world na gyud ta sa kalibutan kay sa Guiness World Record na gyud ta, daku atong pasalamat sa suporta sa mga Cebuano,” matud ni Hayco.

Uban sa DTCC nga anaa sa 2011 edition sa Guiness mao si seven-division world champion Manny Pacquiao, ang boksidor maoy nagkupot sa record nga adunay labing daghang world titles. – BANAT NEWS