Aboitizland kampiyon

CEBU, Philippines - Gilangkat sa Aboitizland ang kampiyonato human kini makatigum og 36 puntos human sa upat ka rounds aron maghari sa chess competition sa MEPZ HRA 2010 Sportsfest didto sa Taiyo Yuden Inc. Complex sa Lapu-Lapu City.

Ang Fairchild maoy nakakuha sa ikaduhang puwesto human mipupo'g 34 puntos, samtang ang Lear Corporation (30.5) maoy miangkon ikatulo.

Ang mga top board players mao sila si Jose Virgilio Roble   sa Taiyo Yuden (Board 1), Arnyl Abellana sa Fairchild (Board 2), Mandy Baria sa Aboitizland (Board 3) ug Tito Rey Ricafranca sa Lear Corp. (Board 4). – BANAT NEWS