CEBU, Philippines - Gikatakdang mag-abot ang 1,000 runners sa ipahigayong Philippine Society of Mechanical Engineers (PSME) Run karong Sabado diha sa Terraces grounds sa Ayala Center-Cebu. Mao kini ang ikaduhang higayon nga ang PSME mopasiugda sa maong kalihukan.
Sa miaging tuig, gipasiugdahan kini sa PSME-Cebu City Chapter. Ning higayona, gitukod kini pinaagi sa ilang unified body nga gilangkuban sa nagkalain-laing chapters dinhi sa Sugbu.
Ang lumba naglatid og 10K, 5K ug 3K run alang sa runners nga nag-edad og 12-anyos ug paubos.
Ang registration fee nagkantidad og P250, samtang P200 alang sa mga estudyante. Mamahimong magparehistro diha sa ROX ug Runnr sa Ayala Center Cebu Active Zone ug sa tanang PSME chapters
Ang tipik sa maong fund-raising activity gamiton isip scholarship funds alang sa mga outstanding students sa Sugbu nga naglisud pagtungha sa kolehiyo. (BANATSPORTS)