CEBU, Philippines - Pagtuman sa game-plan maoy gihimong pundasyon sa Test Well ni playing coach Billy Nadado pagpundar og tres puntos nga kadaugan batok sa Matt, 53-50 sa Buaya Senior Basketball Association (BSBA) Lauro Cup didto sa Buaya basketball court sa Lapu-Lapu City.
Gidominar sa Matt ang unang-duha ka kuwarter ug mirehistro kini og dos puntos nga bentaha sa halftime, 28-26. Apan nausab ang dagan sa duwa sa sunod nga kuwarter dihang si Nadado mao na ang nanimon yano kaayong miguba sa depensa sa Matt aron ilogon ang labaw, 42-38 paingon sa final period.
Miaksiyon og gukod ang Matt sa fourth quarter luyo sa paningkamot ni Matt Casio, apan napakyas kini kay ang Test Well sukad milabaw wala na mokompiyansa pa hangtod nga nahurot ang oras.
Si Dindo dela Rama mikulit og 16 puntos ug si Lando Baricuatro mitimbre og 12 puntos aron pangulohan ang Test Well, samtang si Nadado miariya og singko puntos sa maong kadaugan.
Ang pilderong Matt gipangulohan sab ni Casio nga adunay usa ka dosenang puntos.
Sa laing bahin, ang Phase Dragon yano kaayong mitukob og daog pinaagi sa paglubong sa Nene sa iskor nga 66-44.
Puntos Matag Usa
Unang duwa:
TEST WELL (53) - Dela Rama 16, Baricuatro 12, Nadado 5, Hosmil 4, Saputi 4, Medina 2, Igot 2, Borja 2, Herbusa 2, Baisac 2, Labadan 2
MATT (50) - Casio 12, Sidra 10, Carillas 6, Lara 6, Goding 5, Alo 4, Godinez 3, Olmoquez 2, Inot 2
Ikaduhang duwa:
PHASE DRAGON (66) - Lomongo 16, Gepiga 14, Herda 8, Anohas 7, Cañete 7, Villaflor 5, Villarosa 4, Barafa 2, Barbajo 2, Inot 2, Laberte 1
NENE (44) - Matidios 14, Tampus 12, Capuyan 10, Godinez 6, Casio 2. – BANAT NEWS