Bright Academy gisubha'g daog

CEBU, Philippines - Gisugdan sa Bright Academy ang ilang kampanya sa players' 10 division sa Aboitiz Cup pinaagi sa pagrehistro og 4-0 nga kadaugan batok sa SFC diha sa Aboitiz Sports Field sa Brgy. Subangdaku, dakbayan sa Mandaue.

Gidominar sa Bright Academy ang tibuok duwa batok sa SFC aron mangu sa ilang dibisyon.

Sa ilang bahin, ang Don Bosco Technology Center (DBTC) Team-B mipukan sa ilang igsuong koponan Team-A, 6-1, samtang ang Team-C mibuntog sa Team-D, 5-1 sa players' 10 division.

Sa players' 8 division, ang DBTC Team-1 mimasaker sa Team-2, 5-0.

Gawas sa DBTC, laing duha ka koponan -- Guiseppe ug Bright Academy ang mipakita sab og aksiyon. Ang duha gikatakdang magsangka karong Sabado. – BANAT NEWS