Viking Haulers mihakot 6-1 rekord human sa elim round

CEBU, Philippines - Gitapos sa Viking Haulers ang elimination round isip no. 1 seed human ilang gipukan ang Leo & Rolly, 92-85 sa 2nd F. Llamas Youth Association (FYA) basketball tournament nga didto duwaa sa sitio Mangga sa barangay Punta Princesa, ning dakbayan.

Ang Viking Haulers (6-1) nagpaabot na lang sa laing semifinalists, kinsa magbaton og "twice-to-beat" incentives.

Ang Haulers gipangulohan sa ilang playing coach Baeng Medalle.

Ang lumba alang sa ikaduhang puwesto padayon pa nga gi-ilogan tali sa Simpolang Barbekyuhan, Angelica ug CRV. Si Dodong Cabigas mikamada og 18 puntos aron pangulohan ang Haulers, samtang si Toper Limbaga midugang og 11 puntos.

Ang Leo & Roll nga daan na nga natagak, mihulga pa unta sa daginutong oras sa fourth period, apan pakyas lang gihapon sila ug midailos ngadto sa kinailadman sa ilang 2-5 nga baraha.

Si Chrisjohn 'Takli' Abella mihakot og 27 puntos, samtang sila si Eking Marata ug Bornong Endrina mi-iskor og 16 ug 12 puntos, matag usa.

Sa sayo pa, ang Angelica squad ni team owner Michael Garcia pabiling buhi sa ilang kampanya alang sa semifinals human ilang gipilde ang CRV sa iskor nga 87-73.

Si Raul Cuyme miposa og 14 puntos aron pangulohan ang Angelica. Laing tulo niya ka teammates mihipos sab og double figures alang sa Angelica, kinsa mitapos sa eliminasyon bitbit ang 3-4 nga baraha.

Ang 3-3 nga CRV, kinsa adunay nahabiling usa ka duwa 

gipangulohan ni Dondon Cadungog pinaagi sa iyang 28 puntos, gisundan ni Janus Abellana nga adunay 24 puntos.

Ang FYA gipaluyohan sab ni Punta Princesa barangay councilor Ray Gabriel Salgado.