Simpolang mikatkat sa ikaduha sa FYA tilt

CEBU, Philippines - Nagsolo karon sa ikaduhang puwesto ang Simpolang Barbekyuhan human gipilde ang ang Kharoz, 93-80 sa 2nd F. Llamas Youth Association (FYA) basketball tournament diha sa Vicente Sotto Memorial Gym sa Brgy. Punta Princesa, ning siyudad.

Sa laing duwa, ang Heartfelt mirapido og lima ka free throws sa katapusang 39 segundos sa final period aron maka-eskapo uban ang 90-86 nga kadaugan batok sa Park 'N Go Bakeshop.

Sila si Poloy Aglipa ug Nico Laborte mikulit og 20 ug 15 puntos aron pangulohan ang Simpolang, kinsa nagbitbit na karon og 4-2 nga baraha.

Ang Kharoz nga naghupot na karon og 3-3 nga baraha, gipangulohan ni Crissar Llegunas pinaagi sa iyang 22 puntos, samtang si Mark Reave Arias midugang og 21 puntos.

Sa laing bahin, 

si Tata Laborte maoy nangu sa Heartfelt sa iyang 22 puntos apan ang 21 puntos ni Fel Pardenilla maoy mas daku’g natabang ilabi na sa dihang mihimo siya og duha ka crucial free throws.

Si Dexter Caballero mibahog og 39 puntos, apan ang Park 'N Go wala na maka-iskor pa human sa katapusan nilang labaw, 86-85. Ang Park 'N Go midailos na ngadto sa 2-4 nga baraha.

Ang FYA gidumala ni tournament director Boogie Atillo ug giabagan ni Punta Princesa barangay councilor Ray Gabriel Salgado.

Puntos Matag Usa

Unang duwa:

Simpolang (93) - Aglipa 20, Laborte 15, Tabanres 14, Labrador 12, Villaver 10, Medalle 6, Jodon 4, Canete 4, Antiporta 3

Kharoz (80) - Llegunas 22, Arias 21, Atuel 18, Dela Cerna 5, Trinidad 4, Macachor 4, Dacayana 2

Ikaduhang duwa:

Heartfelt (90) - Laborte 22, Pardenilla 21, Canceko 12, Salinas 11, Arreglo 10, Canceko 5, Boycillo 3, Abella 2, Ponce 2

Park ‘N Go (86) - Caballero 39, Reubal 12, Lopez 10, Rama 10, Tolentino 4, Osorio 2, Lanojan 2, Medalle 2. – BANAT NEWS